കുഴിയാന

*കുഴിയാന* നേരിട്ട് സൂര്യപ്രകാശം പതിക്കാത്ത തണുത്ത ഇടങ്ങളിലാണ് കുഴിയാനയുടെ കുഴികൾ കണ്ടുവരുന്നത്. കുഴിയാനക്കുഴിയുടെ മുകളിലത്തെ വ്യാസം ഏകദേശം ഒരു ഇഞ്ച് ഉണ്ടാവും. ചോർപ്പാകൃതിയിലുള്ള കുഴിയുടെ ഒത്ത നടുവിൽ മണലിൽ പൂണ്ട് പതിയിരിക്കുന്ന കുഴിയാന, കുഴിയിൽ വീഴുന്ന ചെറു ജീവികളെ ആഹാരമാക്കുന്നു. ചെറുജീവികൾ പൊടിമണലിൽ തീർത്ത കുഴിയാനക്കുഴിയുടെ വക്കിലെത്തുമ്പോൾ മണൽ ഇടിയുന്നതിനാൽ അവ കുഴിയുടെ നടുവിലേക്ക് വീഴുന്നു. ഇര കുഴിയുടെ മുകളിലെത്തുമ്പോൾ കുഴിയാന മണൽ തെറിപ്പിച്ച് അതിനെ കുഴിയിലേക്ക് തള്ളീയിടാനും ശ്രമിക്കാറുണ്ട്. തിരികെ കയറുവാൻ‍ ശ്രമിക്കുമ്പോൾ വീണ്ടും മണൽ ഇടിയുന്നതിനാൽ പരാജയപ്പെടുകയും മണലിൽ നിന്ന് പുറത്ത് വരുന്ന കുഴിയാനയുടെ ആഹാരമാകുകയും ചെയ്യുന്നു. കുഴിയുടെ ചരിവും ഇടിവും കൊണ്ട് രക്ഷപ്പെടാൻ കഴിയാത്ത ഇരയെ കുഴിയാന അതിൻറെ മുൻഭാഗത്തുള്ള ബലിഷ്ട്ടമായ കൊമ്പുകൾ കൊണ്ട് മുറുക്കിപിടിക്കുകയും, ഇരയുടെ ശരീരഭാഗങ്ങൾ ദ്രവിപ്പിക്കാൻ കഴിയുമാറുള്ള വിഷം കുത്തിവെക്കുകയും ചെയ്യുന്നു. *🍁ശരീരഘടന* ഉരുണ്ട ശരീരവും ഉറുമ്പിനു സമാനമായി തലയുള്ള കുഴിയാന പുറകോട്ട് മാത്രമെ സഞ്ചരിക്കുകയുള്ളു. കുട്ടികൾ കുഴിയാനകളെ കണ്ടെത്തി പിടിക്കാറുണ്ട്. കുഴിയിലെ മണൽ നീക്കുമ്പോൾ കുഴിയാന അടിയിലേക്ക് വീണ്ടും തുരന്നിറങ്ങി രക്ഷപെടാൻ ശ്രമിക്കുന്നതായി കാണാവുന്നതാണ്‌.