Thursday, September 2, 2021
എരിശ്ശേരി
+--------+--------+-------+--------+------+------+------+
_*🌶️ ഇന്നത്തെ പാചകം 🍳*_
_*എരിശ്ശേരി*_
_( സദ്യ സ്പെഷ്യൽ )_
+-------+--------+-------+-------+-------+------+------+
```കേരളത്തിൽ പ്രചാരമുള്ള ഒരു കറിയാണ് എരിശേരി. സാധാരണയായി സദ്യകളിൽ വിളമ്പുന്ന ഒരു നല്ല കൂട്ടുകറി ആണ് എരിശേരി. ഏത്തയ്ക്ക (നേന്ത്രക്കായ), ചേന, മത്തങ്ങ എവയിലേതെങ്കിലും ആണ് ഈ കറിയിലെ മുഖ്യ ഇനം.``` ```നാളികേരം അരച്ചതാണ് ഇതിലെ പ്രധാന ചേരുവ.```
```എരിശ്ശേരിയുടെ മണത്തോടൊപ്പം സദ്യയുടെ ഓർമകളും മനസിലേക്ക് ഓടിയെത്തും.```
```മത്തങ്ങയും പയറും ചേര്ന്ന സ്വാദിഷ്ടമായ ഒരു എരിശ്ശേരി ഉണ്ടാക്കി നോക്കാം.```
___________________________________
_*ചേരുവകള്*_
__________________________________
_മത്തങ്ങാ – അര കിലോ ചെറിയ കഷണങ്ങൾ ആക്കിയത്_
_വന്പയര് – 100 ഗ്രാം_
_മുളക് പൊടി – അര ചെറിയ സ്പൂണ്_
_മഞ്ഞള്പ്പൊടി – അര ചെറിയ സ്പൂണ്_
_ഉപ്പ് – പാകത്തിന്_
_അര മുറി തേങ്ങ തിരുമ്മിയത്_
_കുഞ്ഞുള്ളി – 5 എണ്ണം_
_ജീരകം – കാല് ടി സ്പൂണ്_
_വെളിച്ചെണ്ണ – ഒരു ടേബിള് സ്പൂണ്_
_കടുക് – കാല് ടി സ്പൂണ്_
_വറ്റല് മുളക് – 4 രണ്ടായി മുറിച്ചത്_
_വേപ്പില – ഒരു തണ്ട്_
_തിരുമ്മിയെടുത്ത തേങ്ങ – 2 ടേബിള് സ്പൂൺ_
__________________________________
_*തയ്യാറാക്കുന്ന വിധം*_
___________________________________
_1) കഴുകി വൃത്തിയാക്കിയ മത്തങ്ങ മുളകു പൊടിയും മഞ്ഞള്പ്പൊടിയും ആവശ്യത്തിനു ഉപ്പും ചേര്ത്ത് വേവിക്കുക._
_2) വന്പയര് പ്രഷര് കുക്കറില് വേവിച്ചെടുക്കുക._
_3) മത്തങ്ങാ കഷണങ്ങള് നല്ലതുപോലെ വെന്ത ശേഷം ,ഒരു തവി കൊണ്ട് ഉടച്ചെടുകുക.വന്പയര് വേവിച്ചെടുത്തത് ഈ കഷണങ്ങളുമായി യോജിപ്പിക്കുക._
_4) തേങ്ങ ഉള്ളി ,ജീരകം ഇവ ചേര്ത്ത് തരു തരിപ്പായി അരച്ചെടുക്കുക .ഈ അരപ്പ് മുകളില് പറഞ്ഞ മത്തങ്ങാ – വന്പയര് മിശ്രിതവുമായി ചേര്ത്തിളക്കി ഒന്ന് ചൂടായി (തിളക്കരുത് ) വരുമ്പോളേക്കും തീ അണച്ച് വാങ്ങി വെക്കുക. ഉപ്പു ക്രമീകരിക്കുക._
_5) എണ്ണ ചൂടാക്കി കടുകിട്ട് പൊട്ടുമ്പോള് വറ്റല് മുളകും വേപ്പിലയും ഇട്ട് മൂപ്പിക്കുക .തിരുമ്മിയ തേങ്ങ ചേര്ത്ത് ഇളം ചുവപ്പ് നിറം വരുമ്പോള് കോരി കറിയില് ചേര്ക്കുക .തേങ്ങ മൂത്ത് മണം വരുന്നത് കൊണ്ടാണ് എരിശേരിക്ക് രുചി കൂടുന്നത് .ചൂടോടെ കഴിക്കുക._
+-------+---------+--------+--------+-------+--------+
Subscribe to:
Post Comments (Atom)
No comments:
Post a Comment